0:00
/
1ܗ̇ܝܓܵܗ ܒܸܬ ܦܵܝܫܵܐ ܕܘܼܡܝܼܬܵܐ ܡܲܠܟܘܼܬܵܐ ܕܫܡܲܝܵܐ ܠܥܸܣܲܪ ܒܬܘܼܠܵـ̈ـܬܵܐ: ܐܵܢܝܼ ܕܫܩܸܠܗܘܿܢ ܠܲܡܦܹܝܕܵܝ̈ܗܝ: ܘܦܠܸܛܠܗܘܿܢ ܠܐܘܼܪܚܵܐ ܕܚܸܬܢܵܐ. 2ܘܚܲܡܸܫ ܡܸܢܵܝܗܝ ܗܵܘܢܵܢܹ̈ܐ ܗ݇ܘܵܘ: ܘܚܲܡܸܫ ܢܲܙܵܢܹ̈ܐ. 3ܘܐܵܢܝܼ ܢܲܙܵܢܹ̈ܐ ܫܩܸܠܗܘܿܢ ܠܲܡܦܹܝܕܵܝ̈ܗܝ: ܘܠܵܐ ܫܩܸܠܗܘܿܢ ܥܲܡܵܝܗܝ ܡܸܫܚܵܐ. 4ܐܝܼܢܵܐ ܐܵܢܝܼ ܗܵܘܢܵܢܹ̈ܐ ܫܩܸܠܗܘܿܢ ܡܸܫܚܵܐ ܒܡܵܐܢܵܝ̈ܗܝ ܥܲܡ ܠܲܡܦܹܝܕܵܝ̈ܗܝ. 5ܘܟܲܕ ܥܘܼܪܩܸܠܹܗ ܚܸܬܢܵܐ: ܢܸܡܠܗܘܿܢ ܟܠܵܝܗܝ ܘܕܡܸܟ̣ܠܗܘܿܢ. 6ܘܒܦܲܠܓܹܗ ܕܠܲܝܠܹܐ ܗَܘܹܐ ܠܵܗ̇ ܡܲܩܘܲܚܬܵܐ: ܗܵܐ: ܚܸܬܢܵܐ ܒܹܐܬܵܝܵܐ ܝܠܹܗ: ܦܠܘܿܛܘܿܢ ܠܐܘܼܪܚܹܗ. 7ܗ̇ܝܓܵܗ ܩܸܡܠܗَܘܿܢ ܟܠܵܝܗܝ ܐܵܢܝܼ ܒܬܘܼ̈ܠܵܬܵܐ: ܘܬܘܼܪܸܨܠܗܘܿܢ ܠܲܡܦܹܝܕܵܝ̈ܗܝ. 8ܐܝܼܢܵܐ ܐܵܡܪܝܼ ܐܵܢܝܼ ܢܲܙܵܢܹ̈ܐ ܠܗܵܘܢܵܢܹ̈ܐ: ܗܲܒَܠܘܿܢ ܠܲܢ ܡ̣ܢ ܡܸܫܚܵܘܟ̣ܘܿܢ: ܣܵܒܵܒ: ܗܵܐ: ܟ̰ܡܹܠܗܘܿܢ ܠܲܡܦܹܝ̈ܕܲܢ. 9ܓ̰ܘܼܘܸܒܠܗܘܿܢ ܐܵܢܝܼ ܗܵܘܢܵܢܹ̈ܐ ܘܐܵܡܪܝܼ: ܠܵܐ ܗَܘܹܐ ܣܵܒܵܒ ܕܠܹܐ ܡܵܠܹܐ ܐܸܠܲܢ ܘܐܸܠܵܘܟ̣ܘܿܢ: ܐܸܠܵܐ ܙܹܠَܡܘܿܢ ܠܟܸܣ ܙܵܒ̇ܢܵܢܹ̈ܐ : ܘܙܒ̣ܘܿܢܘܿܢ ܠܵܘܟ̣ܘܿܢ. 10ܘܟܲܕ ܐَܙܸܠܗܘܿܢ ܠܸܙܒ̣ܵܢܵܐ: ܐَܬܹܐܠܹܗ ܚܸܬܢܵܐ: ܘܐܵܢܝܼ ܕܗܵܙܸܪ ܝܼܗ݇ܘܵܘ ܥܒܼܸܪܗܘܿܢ ܥܲܡܹܗ ܠܒܲܝܬܵܐ ܕܚܠܘܼܠܵܐ: ܘܦܸܫܠܹܗ ܕܒ̣ܝܼܪܵܐ ܬܲܪܥܵܐ. 11ܐܝܼܢܵܐ ܒܐَܚܲܪܬܵܐ ܐ݇ܬܹܐܠܗܘܿܢ ܐܘܼܦ ܐܵܢܝܼ ܒܬܘܼ̈ܠܵܬܵܐ ܐ݇ܚܹܪ̈݇ܢܹܐ: ܘܐܵܡܪܝܼ: ܡܵܪܲܢ: ܡܵܪܲܢ: ܦܬܘܿܚ ܐܸܠܲܢ. 12ܐܝܼܢܵܐ ܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܝܵܕܥܸܢܵܘܟ̣ܘܿܢ. 13ܗܲܕܟܼܵܐ ܥܒ̣ܘܿܕܘܿܢ ܫܵܗܲܪܬܵܐ: ܣܵܒܵܒ ܕܠܹܐ ܝܵܕܥܝܼܬܘܿܢ ܠܝܵܘܡܵܐ ܘܠܵܐ ܠܣܵܥܲܬ. 14ܣܵܒܵܒ ܐܲܝܟܼ ܐ݇ܢܵܫܵܐ ܕܐَܙܸܠܹܗ ܠܪܸܚܩܵܐ: ܩܪܹܐܠܹܗ ܠܪܹ̈ܓܵܘܵܬܘܼܗܝ: ܘܣܘܼܦܹܠܗ ܒܝܼܵܝܗܝ ܡܸܢܕܝܹܗ. 15ܠܚܲܕَ ܝܘܼܗَܒܼܸܠܹܗ ܚܲܡܫܵܐ ܟܲܟܪܹ̈ܐ: ܠܐ݇ܚܹܪ݇ܢܵܐ ܬܪܹܝ: ܘܠܐ݇ܚܹܪ݇ܢܵܐ ܚܲܕَ: ܠܟܠ ܐ݇ܢܵܫܵܐ ܐܲܝܟܼ ܚܲܝܠܹܗ: ܘܐَܙܸܠܹܗ. 16ܘܕܲܪܣܵܥܲܬ ܐَܙܸܠܹܗ ܗ̇ܘ ܕܫܩܸܠܹܗ ܚܲܡܫܵܐ ܟܲܟܪܹ̈ܐ: ܥܒܸܕܠܹܗ ܬܵܓ̰ܝܼܪܘܼܬܵܐ ܒܝܼܵܝܗܝ: ܘܡܘܼܙܝܸܕܠܹܗ ܚܲܡܫܵܐ ܟܲܟܪܹ̈ܐ ܐ݇ܚܹܪ̈݇ܢܹܐ. 17ܘܗܲܕܟ̣ܵܐ ܐܘܼܦ ܗ̇ܘ ܕܬܪܹܝ: ܩܢܹܐܠܹܗ ܬܪܹܝ ܐ݇ܚܹܪ̈݇ܢܹܐ. 18ܐܝܼܢܵܐ ܗ̇ܘ ܕܫܩܸܠܹܗ ܚܲܕَ: ܐَܙܸܠܹܗ ܚܦܸܪܹܗ ܒܐܲܪܥܵܐ: ܘܛܘܼܫܹܐܠܹܗ ܠܙܘܼܙܵܐ ܕܐܵܓ̣ܵܝܹܗ. 19ܘܡܒܵܬَܪ ܙܲܒ̣ܢܵܐ ܪܵܒܵܐ ܐَܬܹܐܠܹܗ ܐܵܓ̣ܵܝܵܐ ܕܐܵܢܝܼ ܪܹ̈ܓܵܘܵܬܹܐ: ܘܫܩܸܠܹܗ ܡܸܢܵܝܗܝ ܚܸܫܒܘܼܢܵܐ. 20ܘܐَܬܹܐܠܹܗ ܗ̇ܘ ܕܝܼܗ݇ܘܵܐ ܫܩܝܠܵܐ ܚܲܡܫܵܐ ܟܲܟܪܹ̈ܐ: ܘܡܘܼܬَܝܠܹܗ ܚܲܡܫܵܐ ܟܲܟܪܹ̈ܐ ܐ݇ܚܹܪ̈݇ܢܹܐ: ܘܐَܡܝܼܪܹܗ: ܐܵܓ̣ܵܝܝܼ: ܚܲܡܫܵܐ ܟܲܟܪܹ̈ܐ ܝܘܼܗَܒܼܸܠܘܼܟܼ ܐܸܠܝܼ: ܗܵܐ: ܚܲܡܫܵܐ ܟܲܟܪܹ̈ܐ ܐ݇ܚܹܪ̈݇ܢܹܐ ܩܢܹܐܠܝܼ. 21ܐܵܡܸܪ ܐܸܠܹܗ ܐܵܓ̣ܵܝܹܗ: ܟ̰ܵܝܒܘܼ: ܪܹܓܵܐ ܛܵܒ̣ܵܐ ܘܡܗܘܼܡܢܵܐ: ܥܲܠ ܚܲܕَܟ̰ܵܐ ܡܗܘܼܡܢܵܐ ܗَܘܹܐܠܘܼܟܼ: ܥܲܠ ܪܵܒܵܐ ܒܸܬ ܡܲܩܸܡܸܢܘܼܟ. ܥܒܼܘܿܪ ܠܚܲܕܘܼܬܹܗ ܕܐܵܓ̣ܵܝܘܼܟ. 22ܘܐَܬܹܐܠܹܗ ܗ̇ܘ ܕܬܪܹܝ ܟܲܟܪܹ̈ܐ: ܘܐَܡܝܼܪܹܗ: ܐܵܓ̣ܵܝܝܼ: ܬܪܹܝ ܟܲܟܪܹ̈ܐ ܝܘܼܗَܒܼܸܠܘܼܟܼ ܐܸܠܝܼ: ܗܵܐ: ܬܪܹܝ ܟܲܟܪܹ̈ܐ ܐ݇ܚܹܪ̈݇ܢܹܐ ܩܢܹܐܠܝܼ. 23ܐܵܡܸܪ ܐܸܠܹܗ ܐܵܓ̣ܵܝܹܗ: ܟ̰ܵܝܒܘܼ: ܪܹܓܵܐ ܛܵܒ̣ܵܐ ܘܡܗܘܼܡܢܵܐ: ܥܲܠ ܚܲܕَܟ̰ܵܐ ܡܗܘܼܡܢܵܐ ܗَܘܹܐܠܘܼܟܼ: ܥܲܠ ܪܵܒܵܐ ܒܸܬ ܡܲܩܸܡܸܢܘܼܟ. ܥܒܼܘܿܪ ܠܚܲܕܘܼܬܹܗ ܕܐܵܓ̣ܵܝܘܼܟ. 24ܘܐَܬܹܐܠܹܗ ܐܘܼܦ ܗ̇ܘ ܕܫܩܸܠܹܗ ܚܲܕَ ܟܲܟܪܵܐ: ܘܐَܡܝܼܪܹܗ: ܐܵܓ̣ܵܝܝܼ: ܒܝܼܕܲܥܝܘܼܟ ܝܼܘܸܢ ܗ݇ܘܵܐ ܕܐ݇ܢܵܫܵܐ ܩܸܫܝܵܐ ܝܘܸܬ: ܒܸܚܨܵܕܵܐ ܐܲܝܟܵܐ ܕܠܵܐ ܙܪܸܥܠܘܼܟܼ: ܘܓ̰ܲܡܘܼܥܝܹܐ ܡܐܲܝܟܵܐ ܕܠܵܐ ܒܘܼܪܒܸܙܠܘܼܟܼ. 25ܘܙܕܸܥܠܝܼ: ܘܐܙܸܠܝܼ ܛܘܼܫܹܐܠܝܼ ܟܲܟܪܘܼܟ ܒܐܲܪܥܵܐ: ܗܵܐ: ܐܝܼܬ ܠܘܼܟܼ ܕܝܼܘܼܟ. 26ܐܝܼܢܵܐ ܓ̰ܘܼܘܸܒܠܹܗ ܐܵܓ̣ܵܝܹܗ ܘܐَܡܝܼܪܹܗ ܐܸܠܹܗ: ܪܹܓܵܐ ܒܝܼܫܵܐ ܘܡܲܟܣܸܠܵܢܵܐ: ܒܝܼܕܵܥܝܵܐ ܝܘܸܬ ܗ݇ܘܵܐ ܕܟܹܐ ܚܵܨܕܸܢ ܐܲܝܟܵܐ ܕܠܵܐ ܙܪܸܥܠܝܼ: ܘܟܹܐ ܓ̰ܲܡܥܸܢ ܡܐܲܝܟܵܐ ܕܠܵܐ ܒܘܼܪܒܸܙܠܝܼ. 27ܒܲܣ ܘܵܓ̰ܸܒ ܝܼܗ݇ܘܵܐ ܐܸܠܘܼܟܼ ܕܕܵܪܸܬ ܗ݇ܘܵܐ ܙܘܼܙܝܼ ܥܲܠ ܨܘܼܦܪܵܐ ܕܨܲܪ̈ܵܦܹܐ: ܘܐܵܬܸܢ ܗ݇ܘܵܐ ܐܵܢܵܐ ܘܫܵܩܠܸܢ ܗ݇ܘܵܐ ܕܝܼܝܼ ܥܲܡ ܪܸܒܝܼܬܹܗ. 28ܗܲܕܟܼܵܐ ܫܩܘܿܠܘܿܢ ܡܸܢܹܗ ܟܲܟܪܵܐ: ܘܗܲܒَܠܘܿܢ ܠܹܗ ܠܗ̇ܘ ܕܐܝܼܬ ܠܹܗ ܥܸܣܪܵܐ ܟܲܟܪܹ̈ܐ. 29ܣܵܒܵܒ ܟܠ ܡ̇ܢ ܕܐܝܼܬ ܠܹܗ ܒܸܬ ܦܵܐܹܫ ܝܘܼܗَܒ̣ܵܐ ܐܸܠܹܗ ܘܒܸܬ ܦܵܐܹܫ ܡܘܼܙܝܸܕܵܐ. ܐܝܼܢܵܐ ܗ̇ܘ ܕܠܲܝܬ ܠܹܗ: ܐܘܼܦ ܗ̇ܘ ܕܐܝܼܬ ܠܹܗ ܒܸܬ ܦܵܐܹܫ ܫܩܝܼܠܵܐ ܡܸܢܹܗ. 30ܘܠܪܹܓܵܐ ܒܹܐ ܦܲܝܕܵܐ ܦܵܠܛܘܿܢ ܠܹܗ ܠܚܸܫܟܵܐ ܒܲܪܵܝܵܐ: ܬܵܡܵܐ ܒܸܬ ܗܵܘܹܐ ܒܸܟ̣ܝܵܐ ܘܚܲܪܚܲܟ̰ܬܵܐ ܕܟܹܟܹ̈ܐ. 31ܐܝܼܢܵܐ ܐܝܼܡܲܢ ܕܐܵܬܹܐ ܒܪܘܿܢܹܗ ܕܐ݇ܢܵܫܵܐ ܒܚܸܩܪܹܗ: ܘܟܠܵܝܗܝ ܡܲܠܲܐܟ̣ܘܼ̈ܗܝ ܥܲܡܹܗ: ܗ̇ܝܓܵܗ ܒܸܬ ܝܵܬܸܒ̣ ܥܲܠ ܬܪܘܿܢܘܿܣ ܕܚܸܩܪܹܗ. 32ܘܒܸܬ ܦܵܝܫܝܼ ܓ̰ܘܼܡܸܥܝܹܐ ܩܵܕَܡܘܼܗܝ ܟܠܵܝܗܝ ܛܵܝܸܦܹ̈ܐ: ܘܒܸܬ ܦܵܪܸܫ ܠܗ݇ܘܿܢ ܚܲܕَ ܡܗ̇ܘ ܐ݇ܚܹܪ݇ܢܵܐ: ܐܲܝܟܼ ܕܪܵܥܝܵܐ ܦܵܪܸܫ ܥܸܪ̈ܒܹܐ ܡ̣ܢ ܥܸܙܹ̈ܐ. 33ܘܒܸܬ ܡܲܟܠܹܐ ܠܥܸܪ̈ܒܹܐ ܡ̣ܢ ܝܲܡܝܼܢܹܗ: ܘܠܥܸܙܹ̈ܐ ܡ̣ܢ ܣܸܡܵܠܹܗ. 34ܗ̇ܝܓܵܗ ܒܸܬ ܐܵܡܸܪ ܡܲܠܟܵܐ ܠܐܵܢܝܼ ܕܡ̣ܢ ܝܲܡܝܼܢܹܗ: ܬܹܐܡܘܿܢ: ܒܪ̈ܝܼܟܹܐ ܕܒܵܒܝܼ: ܝܪܘܿܬܘܿܢ ܡܲܠܟܘܼܬܵܐ ܕܝܼܗ݇ܘܵܐ ܗܘܼܕܸܪܬܵܐ ܐܸܠܵܘܟ̣ܘܿܢ ܡ̣ܢ ܒܸܢܝܲܬܹ̈ܐ ܕܥܵܠܡܵܐ. 35ܣܵܒܵܒ ܕܟܦܸܢܝܼ: ܘܝܸܗܒܸܠܵܘܟ̣ܘܿܢ ܐܸܠܝܼ ܠܹܐܟ̣ܵܠܵܐ: ܨܹܗَܠܝܼ: ܘܡܘܼܫܬܹܐܠܵܘܟ̣ܘܿܢ ܐܸܠܝܼ: ܢܘܼܟ̣ܪܵܝܵܐ ܗَܘܹܐܠܝܼ: ܘܡܘܼܫܪܹܐܠܵܘܟ̣ܘܿܢ ܐܸܠܝܼ. 36ܫܘܼܠܚܵܝܵܐ ܗَܘܹܐܠܝܼ: ܘܡܘܼܠܒܸܫܠܵܘܟ̣ܘܿܢ ܐܸܠܝܼ: ܡܸܪܥܝܵܐ ܗَܘܹܐܠܝܼ: ܘܬܦܸܩܠܵܘܟ̣ܘܿܢ ܒܝܼܝܼ: ܓܵܘ ܒܹܝܬ ܐܲܣܝܼܪܹ̈ܐ ܗَܘܹܐܠܝܼ: 37ܘܐܬܹܠܵܘܟ̣ܘܿܢ ܠܟܸܣܠܝܼ. ܗ̇ܝܓܵܗ ܒܸܬ ܓ̰ܲܘܸܒܝܼ ܠܹܗ ܐܵܢܝܼ ܙܲܕܝܼܩܹ̈ܐ: ܒܹܐܡܵܪܵܐ: ܡܵܪܲܢ: ܐܝܼܡܲܢ ܚܙܹܐܠܲܢ ܐܸܠܘܼܟܼ ܟܦܝܼܢܵܐ: ܘܬܘܼܪܣܹܠܲܢ ܐܸܠܘܼܟܼ: ܝܲܢ ܨܸܗَܝܵܐ: ܘܡܘܼܫܬܹܐܠܲܢ ܐܸܠܘܼܟܼ. 38ܘܐܝܼܡܲܢ ܚܙܹܐܠܲܢ ܐܸܠܘܼܟܼ ܢܘܼܟ̣ܪܵܝܵܐ: ܘܡܘܼܫܪܹܐܠܲܢ ܐܸܠܘܼܟܼ: ܝܲܢ ܫܘܼܠܚܵܝܵܐ ܘܡܘܼܠܒܸܫܠܲܢ ܐܸܠܘܼܟܼ. 39ܘܐܝܼܡܲܢ ܚܙܹܐܠܲܢ ܐܸܠܘܼܟܼ ܡܸܪܥܝܵܐ: ܝܲܢ ܓܵܘ ܒܹܝܬ ܐܲܣܝܼܪܹ̈ܐ: ܘܐَܬܹܐܠܲܢ ܠܟܸܣܠܘܼܟܼ. 40ܘܒܸܬ ܓ̰ܲܘܸܒ ܡܲܠܟܵܐ ܘܐܵܡܸܪ ܐܸܠܵܝܗܝ: ܬܪܘܿܨܵܐ ܒܹܐܡܵܪܵܐ ܝܸܘܸܢ ܐܸܠܵܘܟ̣ܘܿܢ: ܕܟܡܵܐ ܕܥܒܸܕܠܵܘܟ̣ܘܿܢ ܠܚܲܕَ ܡܐܲܢܹܐ ܐܵܚܘܿܢܘܵܬܝܼ̈ ܙܥܘܿܪܹ̈ܐ: ܐܸܠܝܼ ܥܒܸܕܠܵܘܟ̣ܘܿܢ. 41ܗ̇ܝܓܵܗ ܒܸܬ ܐܵܡܸܪ ܐܘܼܦ ܠܐܵܢܝܼ ܕܡ̣ܢ ܣܸܡܵܠܹܗ: ܙܹܠَܡܘܿܢ ܠܵܘܟ̣ܘܿܢ ܡܸܢܝܼ: ܠܝܼܛܹ̈ܐ: ܠܢܘܼܪܵܐ ܕܠܐܵܒܲܕ: ܗ̇ܘ ܕܝܼܠܹܗ ܗܘܼܕܪܵܐ ܠܐܵܟܼܸܠܩܲܪܨܵܐ ܘܠܡܲܠܲܐܟ̣ܘܼ̈ܗܝ. 42ܣܵܒܵܒ ܕܟܦܸܢܝܼ: ܠܵܐ ܝܸܗܒܸܠܵܘܟ̣ܘܿܢ ܐܸܠܝܼ ܠܹܐܟ̣ܵܠܵܐ: ܨܹܗَܠܝܼ: ܘܠܵܐ ܡܘܼܫܬܹܐܠܵܘܟ̣ܘܿܢ ܐܸܠܝܼ. 43ܢܘܼܟ̣ܪܵܝܵܐ ܗَܘܹܐܠܝܼ: ܘܠܵܐ ܡܘܼܫܪܹܐܠܵܘܟ̣ܘܿܢ ܐܸܠܝܼ: ܫܘܼܠܚܵܝܵܐ ܗَܘܹܐܠܝܼ: ܘܠܵܐ ܡܘܼܠܒܸܫܠܵܘܟ̣ܘܿܢ ܐܸܠܝܼ: ܡܸܪܥܝܵܐ ܗَܘܹܐܠܝܼ: ܘܓܵܘ ܒܹܝܬ ܐܲܣܝܼܪܹ̈ܐ: ܘܠܵܐ ܬܦܸܩܠܵܘܟ̣ܘܿܢ ܒܝܼܝܼ. 44ܗ̇ܝܓܵܗ ܒܸܬ ܓ̰ܲܘܸܒܝܼ ܐܘܼܦ ܐܵܢܝܼ ܘܒܸܬ ܐܵܡܪܝܼ: ܡܵܪܲܢ: ܐܝܼܡܲܢ ܚܙܹܐܠܲܢ ܐܸܠܘܼܟܼ ܟܦܝܼܢܵܐ: ܝܲܢ ܨܸܗَܝܵܐ: ܝܲܢ ܢܘܼܟ̣ܪܵܝܵܐ: ܝܲܢ ܫܘܼܠܚܵܝܵܐ: ܝܲܢ ܡܸܪܥܝܵܐ: ܝܲܢ ܓܵܘ ܒܹܝܬ ܐܲܣܝܼܪܹ̈ܐ: ܘܠܵܐ ܥܒܸܕܠܲܢ ܚܸܠܡܲܬ ܐܸܠܘܼܟܼ. 45ܗ̇ܝܓܵܗ ܒܸܬ ܓ̰ܲܘܸܒ ܘܐܵܡܸܪ ܐܸܠܵܝܗܝ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܟܡܵܐ ܕܠܵܐ ܥܒܸܕܠܵܘܟ̣ܘܿܢ ܠܚܲܕَ ܡܐܲܢܹܐ ܙܥܘܿܪܹ̈ܐ: ܐܘܼܦ ܐܸܠܝܼ ܠܵܐ ܥܒܸܕܠܵܘܟ̣ܘܿܢ. 46ܘܒܸܬ ܐܵܙܠَܝܼ ܐܵܢܝܼ ܠܓ̰ܘܼܢܓ̰ܵܪܵܐ ܕܠܐܵܒܲܕ: ܘܙܲܕܝܼܩܹ̈ܐ ܠܚܲܝܹ̈ܐ ܕܠܐܵܒܲܕ.